Любимова, Ольга Борисовна

Ольга Борисовна Любимова (Халып:ВД-Преамбула) — Россияның хазна деятельі, хабарҷы паза театровед. 2020 чылның кӱрген айының 21-ҷі кӱнінең сығара Россия Федерациязының культура министрі.

2024 чылның улуғ хырлас айының 27-ҷі кӱнінде Россия Федерациязының президентінің 27.12.2024 сыххан 1120 № «Тархын ӱгредиинҷе ведомстволар аразындағы комиссияның сурығлары» чахиинаң Тархын ӱгредиинҷе ведомстволар аразындағы комиссияның президиумына кирілген.

Чуртас чолы

Ольга Любимова 1980 чылның улуғ хырлас айының 31-ҷі кӱнінде Москвада тӧреен. Москвадағы англия тілін тирең ӱгренчеткен 1234 № тиксі ӱгредіг школазын тоос салған; 5-ҷі класстаң пасти 7-ҷі классха теере Преподобнай Нестор Летописецтің адынаң сын сабланыс киртінізі гимназиязының тархын-филология клазында ӱгренген.

Любимова Халып:Iw3 ӱгренген, соонаң Россиядағы театр искусствозының институдын (ГИТИС) «театровед» специальностьча тоос салған.

МГУ-ның журналистика факультедінде ӱгренген туста РЕН ТВ, ТВ Центр телеканалларда, «Наше радио», «Радио Рокс» радиостанцияларда практика ирткен.

2000 чылда — «Европа Плюс» радиостанцияның хабарҷызы.

2001 чылдаң сығара Любимова телевидениеде тоғынған. Пастап ТВЦ каналда сыххан Орыс сын сабланыстығ киртініс тигірибінің искіріг агенствозының «Ортодокс» программазының хабарҷызы полған.

2001 чылдаң сығара 2009 чылға теере (тынанып) Любимова «Ӱзінҷі каналда» тоғынған. Пастап 2003 чылға теере «Итоги недели с Глебом Пьяных», «Главная тема», «Цена вопроса», «Дольче Вита», «Выводы Халып:Iw3» программаның хабарҷызы полған. Анаң «Регион» (2003—2004) паза «Русский взгляд» (2003—2004, 2006—2009) программаларның шеф-редакторы полған.

2005 чылның от айынаң сығара 2009 чылның от айына теере Любимова «Столица» телеканалдағы «Горожанка» ток-шоуны, «Москва-2009», «Город и люди» программаларны апарған.

2010 чылның улуғ хырлас айынаң сығара 2011 чылға теере Любимова «Культура» телеканалда «Контекст» тіп салтарлығ искіріг-аналитика программазынаң устаан.

2011—2012 чылларда — «ТВ-3 телеканал» ООО-ның программа департаментінің документальнай киноның улуғ продюсері.

Любимова пір саңай Орыс сын сабланыстығ киртініс тигірибінің искіріг агенствозында тоғызын узаратхан. Анда ол аймах тустарда «Православный календарь» передачаларның шеф-редакторы полған (РТР), «Русский взгляд» («Ӱзінҷі каналнаң» хада), «Спас» телеканалның программаларын («И Татьянин день», «Фома», «Семинаристы») иткен кізілер санына кірче, Христос Арачылағҷы тигірибінең паза Иерусалимнең Благодатнай отты сығарғанының кӧні кӧзідіглерні тимнеен.

80 азыра документальнай фильмні тимнирінде араласхан, оларның санында «Россия-1», «Культура», «Первый канал» телеканалларға суурылған фильмнер. «Путь Патриарха» (2009), «Чужая земля» (2013), «Война и мифы» (2014), «Никита Михалков» (2015, сценарийнің авторларының пірсі) паза пасха документальнай фильмнернің сценарий авторы.

Любимованың тоғыстары «Русский взгляд» (анда культура пӧлиинің устағҷызы полған), «Политический журнал», «Афиша», «Esquire» журналларда чарых кӧргеннер.

2015 чылның кічіг хырлас айында Любимова Россия Федерациязының Культура министерствозының (ойын нимес паза анимация фильмнерінің хазна хабазии пӧлии) кинематография департаментінің устағҷы чӧпчізі полыбысхан. Аның алнында андағ должность чох полған.

2016 чылның чарыс айынаң сығара 2018 чылның кӱрген айына теере — «Первый канал» АО-ның социальнай паза публицистика программаларының дирекциязының устағҷы орынҷызы.

2018 чылның кӱрген айының 17-ҷі кӱнінең сығара 2020 чылның кӱрген айының 21-ҷі кӱніне теере — Россия Федерациязының Культура министерствозының кинематография департаментінің устағҷызы.

Любимова Ада чирібістің кинематографиязына социальнай паза экономика полызиин пирчеткен федеральнай чыындының (Кино чыындызы) попечительлер чӧбінің кнезінің орынҷызы, Соловецкай архипелагты хайраллирынҷа паза тилізінҷе чыындының попечительлер чӧбінің кізізі полча. «Ленфильм» АО-ның устағҷылар чӧбінің кізізі полған.

РФ-ның президентінің алғыстазын алған (2019).

Культура министрі

2020 чылның кӱрген айының 21-ҷі кӱнінең сығара — Россия Федерациязының культура министрі.

2024 чылның сілкер айының 14-ҷі кӱнінде Хазна думазы Любимованы Россия Федерациязының культура министріне хатап чаратхан, олох кӱнде РФ-ның президенті аны турғызардаңар чахығда хол салыбысхан.

Сӧбіре

• Ағазы — Николай Михайлович Любимов (1912—1992), совет тілбесчі, мемуарлар авторы.
• Пабазы — Борис Николаевич Любимов (т. 1947), совет паза Россия театроведі паза ӱгретчізі, театр критигі, искусствоведение кандидады, РСФСР-ның искусствозының саблығ деятельі, профессор, М. С. Щепкиннің адынаң Пӧзік ӱгредіг театр училищезінің ректоры, Россияның Кічіг академия хазна театрының устағҷызы, ГИТИС-тың Россияның театр тархыны кафедразының устағҷызы.
• Іҷезі — Мария Вадимовна Шверубович (1949—2018), актриса паза театровед.
• Тайызы —Алексей Бартошевич (тӧр. 1939), шекспировед, театровед.

• Ольганың пабазының саринаң ӧбекелері — Вологда губернаторы Михаил Николаевич Кормилицын паза Рязань губернаторы Николай Аркадьевич Болдарев, ідӧк императрица I Екатеринаның хада тӧреенінең чуртаан пастағы граф Гендриков. Іҷезінің саринаң театр деятельі Вадим Васильевич Шверубовичтің пархазы паза актёрлар Василий Иванович Качаловнаң Нина Николаевна Литовцеваның пала пархазы полча.

• 2006 чылда ирге парыбысхан, хада хонғаны — Евгений Александрович Баранов (тӧр. 1970 чылның чарыс айының 28-ҷі кӱнінде), хабарҷы паза «Пастағы каналның» комментаторы. Москвадағы 324 № школаны тоос салған. Россиядағы гуманитарнай хазна университедінде «тархын-архивоведение» специализацияҷа пӧзік ӱгредіг алған (1987—1993). 2013 чылның кӧрік айының 17-ҷі кӱнінде Барановтың Илбек оразадаңар репортажы сыххан, андар ипчізінің сӧстері кирілген.
• палалар — Никита паза Варвара.

Санкциялар

2022 чылның улуғ хырлас айының 16-ҷы кӱнінде Украинадағы чаа киректері хоостыра, Любимова Евросоюзтың санкциялар изерізіне кирілген, 2023 чылның азығ айының 24-ҷі кӱнінде — США-ның санкциялар изерізіне. Ідӧк Великобританияның, Швейцарияның, Австралияның паза Наа Зеландияның санкциялар изерізінде саналча.

Фильмография

Автор сценария:

• «Путь Патриарха» (2009)
• «Великая Пасха» (2011)
• «Столыпин. Выстрел в Россию. XX век» (2012)
• «Изборск. Путешествие во времени» (2012)
• «Чужая земля» (2013)
• «Ангелы с моря» (2013)
• «Своя земля» (2014)
• «Преподобный Сергий Радонежский» (2014)
• «Война и мифы» (2014)
• «Флаг. Символ преемственности» (2014)
• «Никита Михалков» (2015) — авторларның пірсі

Сыйыхтар

• 2022 чылда Орыс сын сабланыстығ киртініс тигірибіне хабасхан ӱчӱн Ах-арығ благовернай илбек кнес Александр Невскийнің II степень орденінең сыйыхтатхан;
• Ӱстӱнзархы Осетияның Ынархас ордені (2024).
• Илбек Московскай кнес Преподобнай Евфросинияның II син ордені (26 октября 2024 чылның чарыс айының 26-ҷы кӱні, РПЦ) — Новодевичий ставропигиальнай ипчілер монастырьын нааҷылирға хабасхан ӱчӱн;
• Халып:Iw3 (2024 чылның кіычіг хырлас айының 19-ҷы кӱні) — Санкт-Петербургтағы піріккен культураларның чоннар аразындағы X форумын тимниріне паза иртіреріне улуғ хозым иткен ӱчӱн.

Ссылкалар

• Любимова, Ольга Борисовна. Министр культуры РФ
• Любимова Ольга Борисовна