Шильдин, Пётр Степанович
Халып:ФИОХалып:Военный деятель Пётр Степанович Шильдин (Халып:ВД-Преамбула) — совет чааҷызы, Илбек Адалығ чаа араласчызы, Чазы фронтының 37-ҷі армиязының 62-ҷі гвардия атығҷылар дивизиязының 182-чі гвардия атығҷылар полкының командирі, гвардия лейтенанты. Совет Союзының Матыры.
Чуртас чолы
1919 чылның улуғ хырлас айының 29-ҷы кӱнінде Тиинск аалда (амғы Ульяновск облазының Халып:Iw3) кресеннер сӧбірезінде тӧреен[1]. Читі класс тоос салған. Колхозта, Хызылчар крайындағы ағас хониинда тоғынған.
Хакас автоном облазының Боград аймаандағы чаа военкомады хоостыра армияа тартылған. Тоғысчы-кресеннернің Хызыл Армиязында 1939 чылдаң сығара служба ирткен[2]. 1941 чылда Владивостоктағы чаа пехота училищезін тоос салған. Илбек ада чаа фронттарында 1942 чылның хандых айынаң сығара чааласхан. 1944 чылдаң сығара — ВКП(б) кізізі.
182-ҷі гвардия атығҷылар полкының атығҷылар ротазының командирі гвардия лейтенанты Пётр Шильдин устаандағы ротаның чааҷыларынаң хада 1943 чылның ӱртӱн айының 28-ҷі кӱнінде пастағҷылар санында Украина ССР-ның Днепропетровск облазының Верхнеднепровск аймааның Мишурин Рог аалы хыринда Днепр суғны кис парыбысхан. Суғның оң хазындағы плацдармны холға кирерінең устаан. Анзы 182-ҷі гвардия атығҷылар полкының ӧӧн кӱстеріне суғны кис парыбызарға оңдай пирген.
СССР-ның Ӧӧркі Чӧбінің Президиумының 20 декабрьда 1943 чылда сыххан чахиинаң, командованиенің чааҷы чахығларын турыстығ толдырған ӱчӱн паза пу киректе махачызын паза матыр хылиин кӧзіткен ӱчӱн, гвардия лейтенанты Пётр Шильдинге Совет Союзының Матыры ат пирілген, Ленин ордені паза «Алтын Чылтыс» медаль читірілген.
1944 чылдаң сығара Шильдин СССР НКВД-ның Істіндегі войсколарында служба ирткен. 1965 чылда подполковник Шильдин запасха сых парған.
Куйбышев городта (амғы Самара) чуртааан. 1977 чылның чарыс айының 7-ҷі кӱнінде ах чарыхтаң парыбысхан. Самарада Рубёжнай сыыратта сӧӧгі чатча.
Ленин, Хызыл Чылтыс орденнерінең, медальларнаң сыйыхтатхан.
Хумартхы
Шильдиннің ады Москвадағы Халып:Iw3 Сабланыс залында хумартхылалған. Ағбандағы Чиңіс паркының Совет Союзының Матырларына паза Сабланыс орденінің толдыра кавалерлеріне чарыдылып турғызылған хумартхы тастарның пірсінде Шильдиннің ады пазылых[3].
2015 чылның сілкер айының 9-ҷы кӱнінде Халып:Iw3 Шильдинге хумартхы тас-бюст турғызылған[4].
Алған орын
Литература
- Герои Отечества. — М., 2004.
- Халып:Книга:Герои Советского Союза
- Подвиг во имя Родины. — Куйбышев, 1975. — Кн. 3.
- Ульяновцы в боях за Родину. — 2-е изд. — Саратов, 1964.
Ссылкалар
Халып:Внешние ссылки Халып:Герои Советского Союза и Российской Федерации (Хакасия)