Булакин, Николай Генрихович
Булакин Николай Генрихович (Халып:ВД-преамбула) — Россияның политика деятельі. 1995 чылның сілкер айының 23-ҷі кӱнінең сығара 2019 чылның чарыс айының 14-ҷі кӱніне теере Ағбан городтың устағ-пастааның пазы (мэрі). Ағбан городтың Аарластығ кізізі. Хакас Республиканың Аарластығ кізізі.
1990 чылдаң сығара Хакас Республиканың Ӧӧркі Чӧбінің пастағы хығыртииның депутады полған, 1995 чылға теере Хакас Республиканың Ӧӧркі Чӧбінің Кнезінің пастағы орынҷызы полған.
Чуртас чолы
1970 чылда Булакин Халып:Iw3 (Белоруссия) городтағы ортымах школаны, олох туста МГУ-ның хойнындағы математика школазын заочнай оңдайнаң тоос салған. М. В. Ломоносовтың адынаң Москвадағы хазна университедінің механика-математика факультедінде ӱгренген.
1976 чылда МГУ-ны тоос салып Москва облазының Халып:Iw3 «Энергия» НПО-ның конструктор бюрозында инженер полып тоғынған. 1979 чылда Москвадағы авиация технология институдының (МАТИ) очнай аспирантуразында ӱгрен сыххан[1], 1982 чылда «Искіріглернең тоғынҷаң паза устаныс автоматизированнай системалары» специальностьча техническай наукалар кандидады атха диссертация арачылап алған[2].
1982 чылдаң сығара Булакин Халып:Iw3 городтағы политехническай институтта ӱгретчі тоғызын апарған, пӧзік ӱгредіг паза прикладной математика кафедразының ассистенті полған. 1985 чылда Ағбанзар кӧс килген. Хызылчардағы политехническай институттың Ағбандағы пӧлиинің пӧзік ӱгредіг математика кафедразының преподавательі, устағҷызы полған. 1989 чылдаң сығара Ағбандағы хазна ӱгретчілер институдының информатика паза санаҷаң техника кафедразынаң устаан, доцент полған.
1989 чылдаң сығара халых паза политика киреенең айғас сыххан. 1990—1995 чылларда — Хакас облазының чон депутаттар чӧбінің депутады, Хакас Республиканың Ӧӧркі Чӧбінің пастағы хығыртииның депутады. 1992 чылның азығ айында Хакас Республиканың Ӧӧркі Чӧбінің Кнезінің пастағы орынҷызына табылған. 1993 чылда «Выбор России» блок хабазиинаң РФ-ның Федеральнай Чыылииның Федерация Чӧбінің табығларында араласхан, че ирт полбаан.
1995 чылның хосхар айының 29-ҷы кӱнінде пастағызын Ағбан городтың устағ-пастаа пазына табығларда утып алған. Пу ӱлгӱ тоғызына Николай Генрихович нинҷе-нинҷе хати табылған (1999 чылның хосхар айында, 2004 чылның кӧрік айында, 2008 чылның кӧрік айында, 2013 чылның ӱртӱн айында паза 2018 чылның ӱртӱн айында).
2019 чылның чарыс айының 14-ҷі кӱнінде Минсуғдаң ырах нимес автомобиль саайында ӱреп парған[3]. Ағбандағы апостолларға тиңнелген ах-арығ Константин паза Елена тигірибінің чирінде сӧӧгі чатча (Пушкиннің ор., 61)[4].
Республикаа паза аның чуртағҷыларына чахсы киректер иткен ӱчӱн Николай Булакинге «Хакас Республиканың Аарластығ кізізі» ат пирілген (2020).
Сыйыхтар паза аарластығ аттар
- «Ада чир-сууна чахсы киректер иткен ӱчӱн» орденнің I синніг медальы (2018) — 2018 чылның чарыс айының 25-ҷі кӱнінде сыххан президенттің чахиинаң істеніс чидіглеріне читкен ӱчӱн, халых киреенең ӧткін айғасхан ӱчӱн паза кӧп чыл ах сағыснаң тоғынған ӱчӱн Ағбан городтың пазы Николай Булакин «Ада чир-сууна чахсы киректер иткен ӱчӱн» орденнің I синнін медальынаң сыйыхтатхан"[5].
- «Ада чир-сууна чахсы киректер иткен ӱчӱн» орденнің II синніг медальы (2003)[6].
- Меценат киреен тиліткен ӱчӱн «Чеес паза туза» орден[7].
- «Хакасияның Істеніс сабланызы» медаль[8].
- Преподобнай Сергий Радонежскийнің ордені[9].
- Ах-арығ благовернай кнес Даниил Московскийнің III синніг ордені[10]
- «Ағбан городтың Аарластығ кізізі» ат.
- «Хакас Республиканың Аарластығ кізізі» ат (ӱреен соонда).
Хумартхызы
Булакиннің адынаң Ағбандағы техническай музей паза спорт ӧргезі адалғаннар.
2021 чылда городтың тилізіне улуғ киректер иткен ӱчӱн паза чидіглер ӱчӱн чыл сай пирілчеткен «Н. Г. Булакиннің адынаң Ағбан городтың сыйии» тӧстелген. Сыйыхха ікі чӱс муң ахча паза диплом кірче[11].
Сӧбіре
Ипчіліг полған, ирепчі ікі хыс пала ӧскір салған, ӱс пархазы пар.
Алған орын
Ссылкалар
Халып:Внешние ссылки Халып:Главы Администрации города Абакан