Макарова, Ефросинья Порфирьевна
Ефроси́нья Порфи́рьевна Мака́рова (Халып:ВД-Преамбула) — аал хонииндағы совет тоғынчызы, Социалистическай Ӏстеніс Матыры (1948).
Чуртас чолы
Ефросинья Макарова 1918 чылның от айының 12-ҷі кӱнінде Табат аалда (амғы туста — Хакас Республиканың Пии аймағы) кресеннер сӧбірезінде тӧреен. Халып:Iw3 тузында пастағылар санында колхозха кірген паза чазы бригадазында тоғынған. 1938 чылда звеньевойның тоғызына сығарылған. Илбек Адалығ чаа паза аның соондағы чылларда тамахты ӧскірҷең тоғыста чахсы істенген. Позы устаан ӧмені алнында парчатханнар санына сығарыбысхан[1].
Улуғ чидіглерге 1947 чылда читкен, андада Макарованың устаандағы звено аның хайиина кірген 25 гектар чирдең полғанынаң на ортымахти 33,9 центнер пуғдай чыып алған[1].
Пазағы даа чылларда маңнаныстығ тоғынған. 1951 чылда устағчыларны ікі чыл тимнепчеткен аал хонии школазын тоос салған. Аның соонда Хызылчар крайының Хакас автоном облазындағы Алтай аймааның Калининнің адынаң колхозында істенген, ол хоныхта ӱӱчіктегі тамахты, садтағы ӧзімнерні ӧскіргенінде чидіглерге читкен. 1962 чылдаң сығара Ағбанда чуртаан, тынаға сыхханҷа, Ағбандағы ит комбинадында тоғынған. Халых киреенең айғасхан, Хакас облазы чӧбінің депутадына, КПСС-тың Хызылчар крайының комитедінің кізізіне табылған. 90 чазын апарчадып, 2007 чылның ӱртӱн айында ӱреен[1].
Сыйыхтар
- 340 номерліг Халып:Iw3 хазна сыйиинаң хада Ленин ордені паза «Серп и Молот» медаль пирілген (1948 чылның кӱрген айының 7-ҷі кӱні, «1947 чылда пуғдайнаң арыстың пӧзік тӱзімін алған ӱчӱн»)[2];
- 2 Ленин ордені (1948 чылның кӱрген айының 7-ҷі кӱні, 1949 чылның азығ айының 21-ҷі кӱні);
- Ӏстеніс Хызыл Знамя ордені (1950 чылның чарыс айының 19-чы кӱні);
- медальлар[1].